Ақмола облысы Бестөбе ауылындағы «Алтыналмас» алтын өндіру фабрикасының мыңнан астам жұмысшысы мәдениет үйінде жиналып, вице-премьер м.а Роман Склярдың келуін сұрады. Олар 29 наурыз күні жұмыстан қысқаратындары туралы хабарлама алыпты.
«Қазіргі уақытта компанияның барлық 1200 қызметкеріне қысқарту туралы хабарлама келді. Мемлекет басшысы жеке тапсырма бергендіктен, қызметкерлер мен тұрғындар мәселені шешу үшін біздің ауылға келуіңізді сұрайды. Сіз Бестөбеге келгенге дейін олар мәдениет үйінің ғимаратында болады. Сіздің келуіңіз президент тапсырмасының орындалуын білдіреді», — дейді жұмысшылар.
