Полиция жеке меншік «Ахляк» балабақшасының тәрбиеленушісіне қатысты зорлық-зомбылық дерегін тергеуде.
Белгілі болғандай, қалада «Ахляк» атты бірнеше мектепке дейінгі мекеме жұмыс істейді. Қазіргі уақытта тек балаға зорлық-зомбылық жасалған филиал ғана жабылды. Тәрбиеші мен балабақша меңгерушісі жұмыстан шығарылды, ал директорға айыппұл салынды.
«Біз мұндай жағдайға алғаш рет тап болдық. Тәрбиешінің әрекетін қатаң айыптаймыз және балаға келтірілген зиянды өтеу үшін қолдан келгеннің бәрін жасауға дайынбыз», – деді желі иесі Юсупбаева өз бейнеүндеуінде.
Жақында әлеуметтік желіде жеке балабақша тәрбиешісінің баланы теуіп жатқан видеосы таралған болатын.
