Астанадағы Азаматтық істер жөніндегі ауданаралық сот тоғыз журналистің Мәдениет және ақпарат министрлігіне қарсы апелляциясын қанағаттандырмады.
Журналистер жаңа аккредитация ережелерін жоюға тырысты. Талапкерлердің пікірінше, аккредитация ережелері ресми жарияланғаннан кейін күшіне енуі керек, алайда олар 2024 жылғы 20 тамыздан бастап күшіне енген. Осыған байланысты талапкерлер бұйрықты заңсыз деп тануды талап етті.
Сондай-ақ, журналистер ережелердің бір тармағын Конституцияны бұзу деп есептеп, шағымданды. Бұл тармақ ақпарат таратуды тек аккредитацияға өтініш берген БАҚ арқылы шектеуді қарастырады.
Бірінші және екінші сатыдағы соттар ережелерді заңды деп тапты.
«Астанадағы Азаматтық істер жөніндегі ауданаралық соттың осы іске қатысты 2024 жылғы 11 қарашадағы шешімін өзгеріссіз қалдыру, талапкерлердің апелляциялық шағымын қанағаттандырмау. Сараптама тағайындаудың қажеті жоқ, бұл құқықтық мәселелерге жатады», – деді төрағалық еткен судья.
Шешім күшіне енді.
