Ұлытау облысында әкімшілік құқық бұзушыны жеткізу барысында азаптады деген полицейлер кепіл және ешқайда кетпеу туралы қолхатпен босатылды. Бұл туралы облыстық прокуратура хабарлады.
«Ұлытау облысының арнайы прокурорлары (Сотқа дейінгі тергеп-тексеру басқармасы) Жаңаарқа ауданы полиция бөлімінің (бұдан әрі — бөлім) қызметкерлерімен әкімшілік құқық бұзушыны жеткізу барысында азаптау фактісі бойынша сотқа дейінгі тергеп-тексеруді аяқтады. Тергеу барысында күдіктілерге кепіл және ешқайда кетпеу туралы қолхат түрінде бұлтартпау шаралары қолданылды», — делінген хабарламада.
Қазіргі уақытта іске қатысушы тараптар ҚПК-нің 296-бабына сәйкес қылмыстық іс құжаттарымен таныстырылып, бұдан кейін қылмысқтық іс сотқа жолданатын болады.
