Ол бұл пікірін жақында ғана болған оқиғаға байланысты айтты, онда бірнеше қыздар никаб киіп, Қазақстан туымен суретке түскен. Естеріңізге сала кетейік, туда арабша жазулар болды. Осы оқиғадан кейін бір қызды 15 күнге қамауға алып, екінші қызға айыппұл салынды. Қалған кәмелетке толмаған қыздардың заңды өкілдеріне де айыппұл салынған.
Өткен жылы да дәстүрлі символдарға қол сұғу әрекеттері болғанын Бапи еске алды.
«Жат діни ағымдардың ықпалымен кейбір адамдар біздің баға жетпес қазақ музыкалық аспабымыз — домбыраны «харам» және мәнсіз деп атауға тырысқан, ал басқа топ сәукеле киіп, жартылай жалаңаш күйде ұлттық киіз үйде би билеген…», — деді Бапи өзінің депутаттық сұрауында.
Атыраудағы қыздар мен ту жағдайын депутат «жай ғана тәртіпсіздік әрекет емес» деп атап өтті:
«Бұл біздің қоғамымызға, мемлекеттік құрылымызға, ұлттық дәстүрлер мен бірегейлігімізге ашық қарсы тұру. Ту — әр қазақстандық үшін қасиетті құндылық. Оны түрлі белгімен бұзу заңға қайшы келеді және қылмыстық жауапкершілікті талап етеді. Бұл заң бұзушылықтың артында экстремистік күштердің әрекеттері болуы мүмкін», -дейді ол.
Ермұрат Бапи осындай арабша жазулары бар тулардың маркетплейстерде 5000 теңгеге сатылып жатқанын алаңдаушылықпен атап өтті. Ол мұндай тауарларды кімнің сатқаны анықталуын талап етті.
