Саясаткер Жанболат Мамайға тағылған айып ауыстырылды. Бұл туралы Жанболаттың жұбайы Инга Иманбай мәлімдеді.
«24 қазанда Жанболаттан жаппай тәртіпсіздік ұйымдастырды деген айып алынып тасталды. Енді оның ісі ҚР Қылмыстық кодексінің 400-бабы «Заңсыз митингі ұйымдастыру» санатына ауыстырылды. Ал ол әлі қамауда, оны сот пен жаза күтіп тұр», – деді Иманбай Еуропарламенттің адам құқықтары жөніндегі кіші комитетінің отырысында.
