Үкіметтің кеңейтілген отырысында мемлекет басшысы Қасым-Жомарт Тоқаев мемлекеттік қызметкерлердің маңызды шешімдер қабылдауға жауапкершілік алмайтынынан наразылығын білдірді.
«Шешімдер қабылдау мен келісу процестерінің ұзаққа созылуы мемлекеттік қызметкерлердің жауапкершілік алудан және қорқудан туындап отыр. Мұны ашық айту керек. Не болғаны? Мүмкін, сыбайлас жемқорлыққа қарсы агенттік барлығын басып, қорқытып жіберді ме? Осы сұрақты да қарастырайық. Шешімдерді қабылдау керек. Әсіресе мен үкіметке үлкен өкілеттіктер берілгенін айттым. Президент әкімшілігі қазір үкіметтің күнделікті қызметіне араласа алмайды. Сонымен, шешімдер қабылдаңыздар», – деді президент.
