Ел 2024 жылға арналған жарнасын төлемеді және ұйымның бюджеті туралы шешімге қол қоюдан бас тартты. Ереван бұл туралы ҰҚШҰ хатшылығын ресми түрде хабардар етті.
«Армян тарапы 2024 жылғы ҰҚШҰ бюджеті туралы шешімге қол қоюдан бас тартатыны және, сәйкесінше, ұйым қызметін қаржыландыруға қатыспайтыны туралы хатшылықты ресми түрде хабардар етті», – деп мәлімдеді Армения СІМ-і.
Ресей СІМ-і Армения 2025 жылдың соңына дейін жарнасын төлемесе, ұйымның басқа мүшелері «салдарларын талқылауы мүмкін» екенін жоққа шығармады.
ҰҚШҰ бюджеті туралы шешім – бұл 2024 жылы әрбір мүше елдің ұйымның ортақ қорына қанша қаржы бөлуі керектігін анықтайтын құжат. Бұл қаражат құрылымның жұмыс істеуіне – штабты ұстауға, оқу-жаттығулар өткізуге, бағдарламаларды қаржыландыруға жұмсалады.
2024 жылдың ақпанында Армения ҰҚШҰ-дағы мүшелігін тоқтатты. Ал желтоқсанда премьер-министр Никол Пашинян елдің ұйымға қайта оралмайтынын мәлімдеді.
Жуырда Армения парламенті Еуропалық одаққа кіру бағытын қолдаған болатын.
