ОДКБ төрағасы Иманғали Тасмағамбетовтың қазақ аудиториясымен тікелей интимді диалогы — оның президенттік амбициясының бар екендігінен хабар береді. Бұл туралы Әшкере телеграм каналы хабарлады.
Кремль 2029 жылғы Қазақстандағы сайлауда Тасмағамбетовты өзінің кандидаты деп тапса, онда оның Олжас Бектенов, Ерлан Қошанов, Әсел Жанасова сияқты қазіргі биліктің сол кезде шығаратын кандидаттарын жеңіп кетуі ғажап емес.
«Тасмағамбетовтың қазақша жолдауы Мәскеумен келісілгені анық. Бірақ Астанамен келіспегені көрініп тұр. Қазір біздегі идеология басшылары Тасмағамбетов туралы материалдарды ақпарат құралдарынан алып тастау, оның таралу ауқымын қысқартуға тырысып жатыр»,-деп жазды телеграм канал.
Бірақ ол тым кеш қолға алынған шара», — деп сыр бөліскен Астанада ақпарат саласында жүрген дереккөз.
Тасмағамбетовтың бір өзі президенттер Тоқаев пен Мирзиеевтің Алматыдағы кездесуін ақпарат алаңында толық жұтып қойды. Өте тәжірибелі саясаткер Мәскеуде отырып, бүкіл қазақ аудиториясын аузына қарата білді. Бұл оның үлкен электоралды мүмкіндіктерінен хабар береді.
Тасмағамбетов екі жылдың ішінде «Иванғали» деген стереотиптен арыла алса, өзін қазақ мүддесін шырылдап қорғайтын қарлығаш ретінде танытса, қазақтілді электорат оның қалтасында болады деп санаймыз.
Оны Мәскеу қолдаса, әкімшілік ресурсы Ақордамен бірдей болады. Демек ол санасатын, тіпті өз шарттарын қоя алатын үлкен күшке айналып отыр.
Тек бір мәселе бар. Иманғали Нұрғалиұлы президент атанса, Мәскеуге берген уәдесін орындауға тура келеді. Ол уәде Қазақстанды Ресей мен Беларусь одағына қосу болса, онда біз үшін КСРО 2.0 форматы қайтып келмек. Тәуелсіздік мәселесі тағы да таразыға түсуі мүмкін.
