Сот әншіні ұсақ бұзақылық жасағаны үшін кінәлі деп таныды.
Әртіске қатысты іс жасөспірімнің әкесінің арызынан кейін қозғалды. 17 жастағы мектеп оқушысы курьер болып жұмыс істеген, бір күні ол Алмас Кішкенбаевтың үйіне тапсырыс жеткізген. Әнші оған бірге ішімдік ішуге ұсыныс жасап, кейін интимді жерінен ұстауға тырысқан.
Полиция Кішкенбаевтың әрекетін «ұсақ бұзақылық» деп бағалады. Бүгін сот шешім шығарып, әртісті 15 тәулікке қамауға алу туралы үкім шығарды.
Алмас Кішкенбаев 2004 жылы SuperStar KZ жобасының жеңімпазы ретінде танымал болды.
