Дүйсенбі, 5 желтоқсанда Ұлан-Баторда жемқорлыққа қарсы наразылық шаралары өтуде. Моңғолиядағы АҚШ елшілігінің хабарлауынша, 4 желтоқсан күні кешке бірнеше жүздеген наразылық білдіруші Сүхбаатар алаңына жиналып, шеруге шықпақ болған, бірақ оны полиция баррикадасы тоқтатқан. Сондай-ақ, шерушілер 5 желтоқсанда қайтадан митинг өткізуге жиналған, деп хабарлайды inbusiness.kz Forbes.kz сайтына сілтеме жасап.
Моңғолияның БАҚ өкілдерінің мәліметінше, бұл наразылық көмір дауына байланысты болып отыр.
ҚХР-да көмір ұрлығына қатысы барлар қазірдің өзінде жазаға тартылып, осы іске қатысы бар моңғол шенеуніктерінің аты-жөні көрсетілген тізім жасалғаны атап өтілді.
bne.eu порталының хабарлауынша, 5 желтоқсанда министрлер кабинетінің мүшелері көмір табысының ұрланғаны туралы мәлімдемелер бойынша баспасөз мәслихатын өткізген.
Сондай-ақ, «Көмір ұрлау фактілері бойынша 10 қылмыстық іс қозғалды, олар келісім-шарттар, тасымалдау және темір жолға қатысты үш бағытта тергелуде», — деп қосты Хүрэлбаатар.
