Тоқаев әкімшілігінде мемлекеттік инспектор болып қызмет еткен Марат Жүндібаев Қостанай қаласының әкімі болып тағайындалды. Облыс әкімі Архимед Мұхамбетовтың қаланың жаңа әкімін жұртқа таныстырғаны туралы ақпарат әкімдік сайтында 24 наурызда жарияланған.
Қаланы бұған дейін басқарған Қайрат Ахметовты ресми ақпаратта «өз еркімен» кетті деп айтылады.
Марат Жүндібаев 47 жаста. Ол Қостанай облысының тумасы. 2020 жылдың қыркүйегінен бері президент әкімшілігінде мемлекеттік инспектор қызметін атқарған. 2015-2020 жылдары Қостанай облысы әкімінің әлеуметтік мәселелер жөніндегі орынбасары болған. 2013-15 жылдары Қостанай облысы Лисаковск қаласының әкімі болған.
