Ресей президенті Владимир Путин Шешенстан Республикасының басшысы Рамзан Қадыровқа «генерал-лейтенант» әскери атағын беру туралы жарлыққа қол қойды. Бұл жаңалықты Шешенстан Республикасы Парламентінің төрағасы Магомед Даудов өз телеграмм арнасында мәлімдеген.
«Құрметті достар! Қымбатты ағам, Шешенстан Республикасының басшысы, Ресей Батыры Рамзан Ахматұлы Қадыровты Ресей Президенті, Жоғарғы Қолбасшы Владимир Путиннің Жарлығымен генерал-лейтенант әскери атағының берілуімен шын жүректен құттықтаймын!»
Бұған дейін Қадыров отбасындағы ер адамдардың барлығы қазір Украинадағы арнайы операцияға қатысып жатқанын айтқан болатын. Қажет болған жағдайда жасөспірім үш ұлын да соғыс даласына жіберуге дайын екенін білдірді.
