25 желтоқсан күні Қазақстанның Ақтау қаласы маңында «Әзербайжан Әуе Жолдары» әуе компаниясының жолаушылар ұшағы апатқа ұшырады. Осыған байланысты Владимир Путин Ресей әуе кеңістігінде орын алған бұл қайғылы оқиғаға өкініш білдіріп, қаза тапқандардың отбасыларына шын жүректен көңіл айтты және жарақат алғандарға тезірек сауығып кетуді тіледі.
Сөйлесулер барысында Әзербайжанның жолаушылар ұшағының ұшу кестесі бойынша әрекет етіп, Грозный қаласының әуежайына бірнеше рет қонуға тырысқаны атап өтілді. Алайда сол уақытта Грозный, Моздок және Владикавказ қалалары украиналық ұшқышсыз ұшу аппараттарының шабуылына ұшырап, Ресейдің әуе шабуылына қарсы қорғаныс жүйелері осы шабуылдарды тойтарған.
Ресейдің Тергеу комитеті әуе көлігін пайдалану және қауіпсіздік ережелерін бұзу туралы қылмыстық іс қозғады (РФ ҚК 263-бабы). Алғашқы тергеу шаралары жүргізіліп, азаматтық және әскери мамандардан жауап алынуда.
Қазіргі таңда Әзербайжан Бас прокуратурасының екі қызметкері Грозный қаласында жұмыс істеп, Ресей Федерациясы Бас прокуратурасы және Тергеу комитетінің өкілдерімен бірге зерттеу жүргізуде. Ресей, Әзербайжан және Қазақстанның арнайы қызметтері Ақтау қаласы маңындағы апат орнында тығыз ынтымақтастықта жұмыс атқаруда.
