Қазақстан Президенті Қасым-Жомарт Тоқаев Энергетика министрі Алмасадам Сәтқалиевпен кездесіп, елдегі атом электр станциясы (АЭС) құрылысының жобасын жеделдетудің маңыздылығын атап өтті, деп хабарлайды Ақорда баспасөз қызметі.
«Мемлекет басшысы энергетика министрі Алмасадам Сәтқалиевті қабылдады. Кездесуде Президентке отын-энергетикалық кешенді дамыту бағытындағы жұмыстардың негізгі нәтижелері мен жоспарлары, сондай-ақ ірі мұнай-газ және энергетикалық жобалардың іске асырылуы туралы баяндалды», – делінген хабарламада.
Сонымен қатар, Тоқаевқа жылыту маусымының барысы мен ірі жылу және энергиямен қамтамасыз ету нысандарының жұмысы туралы есеп берілді. Мемлекет басшысы жылыту маусымының үздіксіз өтуі мен энергетикалық инфрақұрылымды жаңғырту жобаларын іске асыруды ерекше бақылауда ұстауды тапсырды.
«Президент Қазақстанда атом электр станциясын салу жобасын жеделдетудің маңызды екенін атап өтті», – деп хабарлады Ақорда баспасөз қызметі.
Фото дереккөзі: Ақорда баспасөз қызметі.
