Биыл қарашаның 20-сы күні өтетін кезектен тыс президент сайлауында қазақстандықтар бюллетеньде «бәріне қарсымын» деген тармақты таңдауға мүмкіндігі бар. Бұл туралы Орталық сайлау комиссиясының төрағасы Нұрлан Әбдіров брифингте мәлімдеді.
Бұдан бөлек, комиссия мүшесі Сабила Мұстафина президенттік сайлауды ұйымдастыруға бюджеттен 20,5 млрд теңге бөлінетінін айтты. Қаражаттың сексен пайызы сайлау комиссиясы мүшелерінің жалақысына жұмсалатыны белгілі болды.
Президенттік сайлауға кететін шығындардың артуы ең төменгі жалақының өсуімен байланысты дейді комиссия мүшелері.
