Арман Жұмагелдиевті қаңтар оқиғалары бойынша 20 жылға бас бостандығынан айыру жазасы кесілді.
Дикий Арманға жаппай тәртіпсіздіктерді ұйымдастыру мен оған қатысу, атыс қаруын ұрлау, оны заңсыз сатып алу немесе сақтау, сондай-ақ адамдарды заңсыз ұстау айыптары тағылды.
Ал, Алматы қалалық мәслихатының бұрынғы депутаты Қайрат Құдайбергенді 272-бап («Жаппай тәртіпсіздіктерге қатысу») және 126-бап («Адамды заңсыз бас бостандығынан айыру, ұрлаумен байланысы жоқ») бойынша кінәлі деп тауып, 8 жылға бас бостандығынан айыруға үкім шығарылды. Оған қоғамдық қызметпен айналысуға тыйым салынып, «Құрмет» орденінен айырылды.
