16 C
Нур-Султан
24 C
Алматы
31.3 C
Шымкент
16 C
Нур-Султан
24 C
Алматы
31.3 C
Шымкент

ТӘЛІПТЕР ҚЫТАЙДАН АУҒАНСТАНДЫ «БІР БЕЛДЕУ – БІР ЖОЛ» БАСТАМАСЫНА ҚОСУДЫ СҰРАДЫ

Ауғанстанның уақытша үкіметі төрағасының орынбасары қызметіне тағайындалған Абдул Ғани Барадар Кабулдың Бейжіңмен қарым-қатынасын одан әрі дамытқысы келетінін айтты. Сондықтан Талибан ҚХР-дан жобаға қосуды сұрады, деп жазды Zakon.kz.

«Талибан» үкіметі төрағасының орынбасары Қытай дипломатиялық миссиясының басшысымен кездесуінде Қытайдан Ауғанстанды «Бір белдеу – бір жол» жобасына қосуды сұрады, деп мәлімдеді ТАСС.

Басылымның жазуынша, тараптар Ауғанстан мен Қытай арасындағы келісілген ірі экономикалық жобаларды іске асыру мәселесін талқылады. Барадардың мәлімдемесінде нақты қандай жобалар туралы сөз болғаны айтылмаған.

Ван Ю Барадардың баяндамасына сәйкес, «Бейжің жақын арада Қытай бастамашы болған, сондай-ақ Дүниежүзілік банк немесе Азия даму банкі қаржыландырған, бірақ аяқталмаған басқа да ірі жобалар бойынша практикалық жұмысты бастауға ниетті» екенін мәлім етті.
Америка Құрама Штаттары 2021 жылғы көктемде Ауғанстаннан қарулы күштерін шығару туралы шешімін жариялағаннан кейін тәліптер Ауғанстанға бақылау орнату үшін ауқымды операция бастады.

15 тамызда радикалдар Кабулға соғыссыз кіріп, 7 қыркүйекте заңдылығын әлі ешбір ел мойындамаған уақытша үкіметтің құрамын жариялады.

Келесі күні Қытай Сыртқы істер министрлігінің ресми өкілі Ван Вэньбинь Қытай билігі Ауғанстанның жаңа уақытша үкіметімен диалогқа дайын екенін мәлімдеді.

АРАША КЗ.

Материалдарды көшіріп басқан жағдайда сілтеме жасалуы міндетті

Сайт әкімшілігі

Өзекті

Басқа материалдар