Сербия, Мысыр, Қытай мемлекеттері шұғыл түрде өз дипломаттарын елдеріне қайтарып жатыр. Бұған Киевтегі қауіпті ахуал себеп болып отыр. 10 қазаннан бері шаһарда бірнеше үлкен жарылыс болды. Укрананың қазір барлық облыстарында әуе дабылы жарияланған.
Қазақстанның Сыртқы істер министрлігінің ресми өкілі Айбек Смадияров Украинадағы Қазақстан елшілігін Киевтен тасымалдау мәселесі қарастырылып жатқанын мәлімдеген болатын. Одан бөлек Қазақстанның Украинадағы елшілігі Қазақстан азаматтарын соғыс болып жатқан мемлекетке бармауға, ал сол жақтағы қазақстандықтардан мүмкіндігінше ел аумағынан кетуді сұрап,үндеу жариялады.
