Саяси қуғын-сүргін және ашаршылық құрбандарын еске алу күніне арналған концерт 31 мамырда Almaty Theatre сахнасында өтуі тиіс еді. Алайда шараға бірнеше апта қалғанда концерт ешқандай ресми түсініктемесіз тоқтатылды.
Бұл туралы композитор Еркеш Шакеев өзінің Facebook парақшасында жазды. Алдымен Almaty Theatre басшылығы концерттің болмайтынын ауызша хабарлаған. Кейін FreedomTicketon сайты билет сатылымын түсініктеме берместен тоқтатты. Артынша Алматы қаласының Мәдениет басқармасы да іске араласты.
«Almaty Theatre тарапынан бас тартқаннан кейін бес күн өткен соң Алматы қаласының Мәдениет басқармасы ұйымдастырушылар – яғни біз немесе театр – тарапынан іс-шара туралы тиісті хабарландыру болмағаны жөнінде кешігіп білдірген шағымын жеткізді (дұрысын айтсам, нақты түсінбедім). Барлық ресми бас тартулардың толық тізімі мен мәліметтерін алып, жариялаймын деп үміттенемін», – деп жазды композитор.
1997 жылдан бері Қазақстанда 31 мамыр – Саяси қуғын-сүргін және ашаршылық құрбандарын еске алу күні. Бұл күні аза тұту мен еске алу шаралары өтеді.
Концерт тек музыкалық кеш қана емес, сонымен қатар еске алу әрекеті болуға тиіс еді. Қазір бұл кештің болашағы – жауабы жоқ сұрақ. «Орда» театры мен қалалық мәдениет басқармасына ресми сауал жолдады.
