Франция президенті Эммануэль Макрон Брюссельде өткен Еуропалық кеңестің отырысында Парижде Украина президенті Владимир Зеленскийдің қатысуымен «қалаулы елдер коалициясының» саммиті өтетінін жариялады. Кездесу келесі бейсенбі, 27 наурызда өтеді. Бұл туралы француздық BFMTV телеарнасы хабарлады.
Макронның айтуынша, Еуропалық кеңес елдері АҚШ пен Украинаның 30 күндік атысты тоқтату туралы ұсынысын қолдаған.
«Бұл тұрғыда Ресейдің жартылай, аса көңіл көншітпейтін жауабы тек уақытша бас тарту деп үміттенемін», — деді Франция президенті.
Бұған дейін Англия астанасында 18 елдің өкілдері қатысқан саммит аяқталған болатын. Кездесу Ланкастер-хаус резиденциясында өтті және шамамен екі сағатқа созылды. Негізгі тақырыптар – Киевке әскери көмек, Ресейге қысымды күшейту және қақтығысты реттеу бойынша ықтимал қадамдар.
