Екі ел қарулы қақтығыстарды тоқтату үшін даулы учаскелерде жер алмасу жүргізді.
Салтанатты рәсім барысында Садыр Жапаров пен Эмомали Рахмонның қатысуымен төрт жылға жуық уақыт жабық болған «Қайрагач» (Лейлек ауданы) және «Қызыл-Бел» (Баткен ауданы) өткізу бекеттері ашылды.
Жалпы Қырғызстан мен Тәжікстан арасындағы шекараның ұзындығы 972 км. Алайда Баткен облысындағы анықталмаған шекаралар салдарынан Тәжікстанмен шекаралас аумақтарда мезгіл-мезгіл қақтығыстар орын алып отырды. Соңғы ірі қақтығыс 2022 жылдың 14-17 қыркүйегінде болды. Сол кезде екі тараптан да жүзден астам адам қаза тапқан.
