АҚШ президенті Дональд Трамп сенбі күні Мексикаға – 25%, Канадаға – 25% және Қытайға – 10% көлемінде кедендік баж салығын енгізеді, деп хабарлады Ақ үй.
Жұма күні Дональд Трамп атап өткендей, канадалық мұнайға төменірек тариф – 10% енгізіледі, бұл өзгерістер кейінірек, 18 ақпанда күшіне енуі мүмкін.
Сондай-ақ ол болашақта Еуропалық Одаққа да баж салығын енгізуді жоспарлап отырғанын айтты, себебі оның пікірінше, ЕО АҚШ-қа әділетсіздік танытып келеді.
Ақ үйдің баспасөз хатшысы Каролин Ливитттің айтуынша, Канада мен Мексикаға салынған баж салықтары «олардың заңсыз фентанил сатып алып, оны ел аумағында таратуға жол бергені үшін» енгізілген, бұл ондаған миллион америкалықтың өліміне себеп болған.
Бұған қоса, Трамп бұл қадамның АҚШ шекарасын заңсыз кесіп өткен мигранттар санының көптігімен және көрші елдермен сауда тапшылығын шешуге бағытталғанын бірнеше рет мәлімдеген болатын.
«Бұл – президент берген және орындаған уәделері», – деді Ливитт Ақ үйдегі баспасөз конференциясында.
Сайлауалды науқан кезінде Трамп Қытай өнімдеріне 60%-ға дейін баж салығын енгіземін деп қауіп төндірген, алайда Ақ үйге келген алғашқы күнінде бірден әрекет жасамай, бұл мәселені зерттеуді әкімшілігіне тапсырған.
