Алматы облысында полиция қылмыстың «ізін суытпай» 49 жастағы ер адамды ұстады. Ол ер адамның мәйітін теміржол рельстеріне апарып тастаған деген күдікке ілінді.
«Аталған факт бойынша қылмыстық іс қозғалды. Жедел-іздестіру шаралары нәтижесінде 49 жастағы күдікті ұсталып, уақытша ұстау изоляторына қамалды», – деп мәлімдеді Алматы облысы полиция департаментінің баспасөз қызметі.
Қазір қылмыстың барлық мән-жайын анықтау үшін қажетті тергеу әрекеттері жүргізіліп жатыр.
Еске салайық, 7 мамыр күні Алматы облысында теміржол бойынан адамның мәйіті табылып, бұл факті бойынша тергеу басталған болатын.
