Полицияға тұрғын үйдің 15-қабатынан ер адам секірмек болғаны туралы хабар түскен. Оқиға орнына жеткен полицейлер оның есту және сөйлеу қабілетінен айырылғанын анықтаған, сол себепті байланыс орнату қиынға соққан.
Қиын сәтте учаскелік инспектор Рахметолла Нурумов батылдық танытып, ер адамға жақындап барып, оны құтқарып қалды.
— Мұндай жағдайда ең маңыздысы — салқынқандылықты сақтау, — деді учаскелік инспектор.
Осылайша, полицейдің жедел әрекетінің арқасында ер адам құтқарылып, жедел жәрдем қызметкерлеріне тапсырылды. Оған қажетті психологиялық көмек көрсетілді.
