Израиль Қорғаныс армиясы ХАМАС нысандарына жаппай соққылар жасауды қайта жалғастырды. Бұл туралы ЦАХАЛ өзінің Telegram-каналында хабарлады.
Times of Israel басылымының мәліметінше, әскери операцияны қайта бастау туралы бұйрықты Израиль премьер-министрі Биньямин Нетаньяху мен қорғаныс министрі Исраэль Кац берген.
Шешім ХАМАС-тың израильдік тұтқындарды босату бойынша ұсыныстардан бас тартуына байланысты қабылданған. Келіссөздерге АҚШ-тың Таяу Шығыстағы арнайы өкілі Стив Уиткофф және басқа да делдалдар қатысқанымен, топ барлық ұсынылған келісім нұсқаларын жоққа шығарды.
Press TV хабарлауынша, Газадағы әуе шабуылдарының салдарынан қаза тапқандар саны 130-ға жетіп, жүздеген адам жарақат алған.
19 қаңтардан бастап секторда атысты тоқтату режимі күшінде болған еді.
