2023 жылғы тамызда болған трагедия салдарынан бес кенші көз жұмды. Бұл іс бойынша сот талқылауы тек бір жылға жуық уақыт өткен соң – 2024 жылғы маусымда басталды.
Айыпталушылар орындығында шахта әкімшілігінің төрт қызметкері отыр. Олардың қатарында өндіріс жөніндегі директордың орынбасары, конвейерлік көлік учаскесінің бастығы және басқа да басшылық қызметтегі тұлғалар бар. Оларға тау-кен немесе құрылыс жұмыстары кезінде қауіпсіздік ережелерін бұзу арқылы екі немесе одан да көп адамның өліміне әкелген немқұрайлы әрекеті үшін (ҚР Қылмыстық кодексінің 277-бабы, 3-бөлігі) айып тағылды.
Прокурор әрбір айыпталушыны 4 жылға бас бостандығынан айыруды және жазасын минималды қауіпсіздік мекемесінде өтеуді сұрады. Сонымен қатар, оларға 3 жыл бойы тау-кен және құрылыс салаларында басшылық қызмет атқаруға тыйым салу жазасы сұралды.
Үкім әлі заңды күшіне енген жоқ.
