Еске сала кетейік, 29 жастағы Алина Серікова азаптаулардан кейін өз-өзіне қол жұмсаған. Бір топ ер адам спортшы қызды көшеден күштеп алып кетіп, ұзақ уақыт бойы қорлаған.
Бірінші инстанция сотының шешімімен бес айыпталушы ұзақ мерзімге бас бостандығынан айырылған. Алайда Серікова отбасы бұл үкімді әділетсіз деп санады.
Кеше (30 қаңтар) ондаған адам сотқа жиналып, Алинаға қатысты зорлау ісінің апелляциясын бақылаған. Марқұмның ағасы басты айыпталушыға өмір бойына түрме жазасын талап еткенін мәлімдеді.
Бүгін, 31 қаңтарда сот шешімі жарияланды. Нұргелді Сейітқалиев өмір бойына бас бостандығынан айырылды.
Қызды өткен жылдың мамыр айында ұрлап кеткен. Оны Ақтау көшелерінің бірінде күштеп көлікке отырғызып, бірнеше сағат бойы қала ішінде қинап, зорлаған. Қылмыскерлер — бес ер адам — мефедрон қолданған және есірткіні өз құрбанына да мәжбүрлеп иіскеткен.
Бұл қорқынышты оқиғадан кейін Алина өмірін жалғастыра алмады — өзіне қол жұмсады.
