Қаңтардың 18-і күні таңғы сағат 04:57-де Киевте Ресейдің ұшқышсыз соққы дрондары шабуыл жасағаннан кейін әуе дабылы жарияланды, ал сағат 05:46-да дабыл тоқтатылды. Алайда, дабыл тоқтағаннан кейін бірнеше минут өткен соң жарылыстар естілді.
Қазақстанның Украинадағы елшісі Дархан Қалетаев Киевтегі елшілік ғимаратынан шамамен бір шақырым жерде дрондардың шабуылы болғанын айтты, деп жазды Orda.kz сайты.
«Бізде бәрі дұрыс. Тек сылақ түсіп қалды», – деді елші.
Киев қалалық әскери әкімшілігінің мәліметінше, Ресейдің ұшқышсыз ұшу аппараттарымен жасалған шабуыл кезінде Шевченко ауданында үш адам қаза тапқан – 43 және 25 жастағы екі ер адам және 41 жастағы бір әйел.
