Тәуелсіз бақылаушылар Сайлау учаскелері ашылғаннан кейін бір -екі сағат өтісімен ақ, бірнеше құқықбұзушылықты тіркеп үлгерді.
«Еркіндік қанаты» қорының мәліметінше, учаскелер ашылған сәттен бастап мынадай бұзушылықтар тіркелген:
- бақылаушылардың қозғалысын шектеу; процесті нақты көре алмау;
- фото және бейне түсіруге тыйым салу;
- учаскелік сайлау комиссиясы төрағасының үгіті;
- дауыс беруге арналған ғимаратты жабдықтау жөніндегі нұсқаулықты бұза отырып, бақылаушыға орындық бермеу.
Кейбір сайлау учаскелерінде бақылаушылар жеке бөлмеде отырып, терезе арқылы көріп отыруға мәжбүр. Мысалы, Астанадағы №23 учаскесінде осындай тәжірибе енгізілген.
Таңғы 8-де №2 сайлау учаскесінен «дауыстарды санау процесін фото және видеоға түсіргені үшін және комиссия мүшелеріне дөрекі қарым-қатынасы үшін» үшін бақылаушы шеттетілді (ЕҰУ жатақханасы). Айта кетейік, дауыстарды санау процесі тек 20:00-де басталады, ал бақылаушылар «ҚР сайлау туралы» Заңына сәйкес фото және бейнетүсірілім жасауға құқылы.
Ал Шымкенттегі кейбір сайлау учаскелері сайлаудан бір күн бұрын дауыстарды санап қойғаны туралы хабар келді.
