Washington Post басылымы 13 сәуір күні марапаттау рәсіміне қатысқан украиналық әскери Александрмен (есімі өзгертілген) сөйлескен.
Александр Сум университетінің жертөлесінде 117-бригададағы қарулас жолдастарымен бірге болған сәтте жарылыс болған, сол кезде көшеде оның алты жасар өгей қызы жарықшақтан жараланған.
Washington Post жазуынша, Александр марапаттау рәсімін өткізу шешіміне наразы болғанын жасырмаған. Сұхбат кезінде ол ауруханада, өгей қызының жанында отырған.
— Маған бұл медальдар мен қағаздар керек емес, — деген ол, майданнан марапаттау рәсіміне шақырылғанына қатты таң қалғанын айтқан.
Александрдің айтуынша, рәсім таңғы сағат 10-да құпия жағдайда жертөледе басталған. Осыдан көп ұзамай Ресей әскері Сум қаласына екі баллистикалық зымыранмен соққы жасаған. Washington Post-қа берген сұхбатында Александр бейбіт тұрғындардың қазасына тек ресейлік әскерилерді ғана емес, облыстық әскери әкімшіліктің басшысы Владимир Артюхты да кінәлі деп санайтынын айтты.
