Астана соты Ержан Бабақұмаровты 15 тәулікке қамауға алып, оны жеті жылға көлік жүргізу куәлігінен айырды. Бұрынғы президент кеңесшісі 29 қаңтарға қараған түні жол талғамайтын көлік жүргізіп келе жатқанда ұсталған. Полиция қызметкерлері оның мас болғанын анықтап, ӘҚБтК-нің 608-бабы бойынша хаттама толтырды.
«Таңғы сағат 03:15 шамасында Бабақұмаров Төлебаев көшесінде A802 KPO 01 мемлекеттік тіркеу нөмірі бар Toyota Land Cruiser Prado көлігін алкогольдік масаң күйде басқарған», – делінген Астана әкімшілік құқық бұзушылықтар жөніндегі сотының қаулысында.
Бабақұмаров 15 тәулікті қамауда өткізді. Қазір ол бостандыққа шыққан.
2019 жылы Ержан Бабақұмаров президент кеңесшісі қызметін атқарған, кейін Алматы әкімінің орынбасары болған. Сондай-ақ, ол Орталық коммуникациялар қызметін және премьер-министр кеңсесін басқарған.
Өткен жылдың күзінде атышулы бұрынғы депутат қоғамдық кеңеске кірген. Оған дейін бір жыл бұрын ол мас күйінде люкс санатындағы көлік жүргізген еді.
