Атырауда 28 қаңтарға қараған түні көлік прокуратурасы мен мемлекеттік кірістер департаментінің қызметкерлері арасында төбелес болған. Atyrau ONLINE мәліметінше, қақтығыс бір мейрамханада сөзбен айтысудан басталып, кейін төбелеске ұласқан.
Нәтижесінде, мемлекеттік кірістер департаменті басшысының орынбасары басынан ауыр соққы алып, ауруханаға түскен. Дәрігерлер оның жағдайын ауыр деп бағалап, комаға түскенін айтты.
Атырау облысының полиция департаменті «Денсаулыққа қасақана ауыр зиян келтіру» бабы бойынша қылмыстық іс қозғады. Көлік прокуратурасы тергеу барысында қызметтік тексеру жүргізіліп, оқиғаның барлық мән-жайлары, оның ішінде прокуратура қызметкерлерінің қатысы бар-жоғы анықталатынын хабарлады.
