Іс материалдарына сәйкес, полицейлер жәбірленушіден қылмыстық жауапкершілікке тартпау үшін бір миллион теңге талап еткен. Өздеріне қатысты заңсыздықты түсінген ер адам Сыбайлас жемқорлыққа қарсы қызметке жүгінген. Ведомствоның бақылауымен полиция қызметкерлері сұралған соманы алған, кейін оны өзара бөліскен.
Сотталушылардың кінәсі тінту хаттамалары, жасырын тергеу әрекеттерінің нәтижелері және сарапшылардың қорытындылары арқылы дәлелденді.
Айыпталушылар прокурормен процестік келісім жасасты. Екі полицей де ҚР ҚК 190-бабының 3-бөлігінің 2-тармағы (алаяқтық) бойынша кінәлі деп танылды.
Сот үкімі:
-Әрқайсысына 10 миллион теңге көлемінде айыппұл салынды (ұрланған соманың он есе мөлшерінде).
— Арнайы шендерінен айырылды.
— Белгілі бір қызметтерді атқаруға және белгілі бір салада жұмыс істеуге өмір бойына тыйым салынды.
Үкім әлі заңды күшіне енген жоқ.
Бұған дейін полиция қызметкерлерінің бейкүнә қазақстандықты кісі өлтіруші және зорлаушы ретінде мойындатқаны туралы жазылған еді. Оны кейін Жоғарғы сот ақтаған. Қылмыс 2010 жылы жасалған, ал тергеу тек мойындау хаттамасына сүйенген. Бастапқыда ол қорғау құқығы бар куә болған, кейін күдіктіге айналып, мойындау хатын жазуға мәжбүр болған.
