CNN телеарнасының мәліметінше, «сөйлесудің мақсаты — алдағы айларда Ресей президенті Путинмен жеке кездесуді талқылап, Украинадағы соғысты тоқтатуға тырысу».
Трамп өз әкімшілігіне келіссөздерді ұйымдастыруды тапсырды. Телеарнаның хабарлауынша, бұл жұмысты шенеуніктер инаугурациядан кейін бастай алады.
Естеріңізге сала кетейік, Владимир Путинмен алдағы әңгіме туралы америкалық саясаткер жуырда айтқан болатын. Сол кезде ол Украинадағы соғысты «қанды қырғын» деп атаған еді.
АҚШ-тың сайланған президентінің инаугурациясы бүгін (20 қаңтар) Астана уақыты бойынша сағат 22:00-ден кейін өтеді.
