Украина мен АҚШ президенттерінің телефон арқылы сөйлескеннен кейінгі мәлімдемелерінде осы аптада Сауд Арабиясында техникалық мәліметтер бойынша келіссөздер өтетіні айтылды. Кешке Zoom арқылы журналистермен сөйлескен Владимир Зеленский бұл қандай мәліметтер болуы мүмкін екенін түсіндірді.
Оның айтуынша, Киев шабуыл жасалмауы тиіс нысандардың тізімін жасайды. Бұл тізімге тек энергетикалық инфрақұрылым нысандары ғана емес, сондай-ақ порттар мен теміржол желісі де кіруі мүмкін, деп хабарлайды Reuters.
«Бірақ біз келіспейінше, атысты ішінара тоқтату туралы тиісті құжат болмайынша, барлық ұшуды жалғастырады деп ойлаймын», – деп келтіреді оның сөзін Reuters.
