Бұл шара 1 сәуірден бастап күшіне енеді, деп хабарлады сәрсенбі күні Еуропалық комиссия. Reuters агенттігінің мәліметінше, бұл АҚШ президенті Дональд Трамп бастаған жаһандық сауда соғысының жаңа кезеңі. Бұған дейін ол барлық болат және алюминий импортына 25% көлемінде тариф енгізген болатын, олар сәрсенбіде күшіне енді.
Еурокомиссия келесі айдан бастап америкалық тауарларға қатысты қазіргі уақытша баж салығын тоқтататынын және сәуірдің ортасына дейін АҚШ өнімдеріне қарсы жаңа шаралар пакетін ұсынатынын хабарлады. Уақытша тоқтатылған тарифтерге қайықтардан бастап бурбон мен мотоциклдерге дейінгі түрлі өнімдер кіреді.
Сонымен қатар, Еуроодақта басқа да тауар санаттарын таңдау үшін екі апталық кеңесулер басталады. Жаңа шаралар шамамен 18 миллиард еуро тұратын тауарларға бағытталатын болады.
Reuters мәліметінше, баж салығы өнеркәсіптік және ауылшаруашылық өнімдеріне енгізіледі, олардың қатарына болат, алюминий, тоқыма бұйымдары, тұрмыстық техника, пластмасса, құс еті, сиыр еті, жұмыртқа, сүт өнімдері, қант және көкөністер кіреді.
