Президент Тоқаев Grammy сыйлығын жеңіп алған Иманбек Зейкеновті жеңісімен құттықтады. Бұл туралы президенттің баспасөз хатшысы Берік Уәли хабарлады.
«Мемлекет басшысы Қасым-Жомарт Тоқаев қазақстандық Иманбек Зейкеновке аса беделді Grammy музыкалық сыйлығының табыс етілуі жөніндегі жаңалықты зор қуанышпен қабылдады.
Өзінің таланты мен мақсат қоя білуінің арқасында диджей Imanbek әлемдік шоу-бизнестің басты сыйлықтарының бірін иеленді. Оның шығармашылығы қазақстандық жастардың да ең биік шыңдарды бағындыра алатынын дәлелдеді» делінген президенттің баспаөз қызметі таратқан ақпаратта.
Қазақстандық диджей Imanbek — Иманбек Зейкенов Grammy сыйлығын жеңіп алды. Оның америкалық рэпер Saint Jhn-ның «Roses» композициясына жасаған ремиксі үздік деп танылған.
Материалдарды көшіріп басқан жағдайда сілтеме жасалуы міндетті
Сайт әкімшілігі 
